*Stance 1* words for William mutinta
Basahima twalumba kumilimo njomwabeleka
Yoonse yakutubikila ma tombstone mpotulede.
Leza azumanane kumupa zileleko mumaanda eenu.
Eeci nchomwacita ababoola munsi lwenu bayakuziba mpotulede.
*Stance 2*
Cakusaanguna mbuli mbeekalisilutwe wamunzi
Ndikanane majwi masyoonto buyo nobatana kanana
Bina Elina abana babo mbotulede aamwi.
Nobana bangu nomucipona okuno nkotubede takujokwi
Naanka kukanana andinywe Noba uumi,
Pele ndamucenjesya kuti malailile ngindakasiya mwaachilile,
*Stance 3*
Buponi bwangu nde Wiliamu Mutinta mwakali buzyi nyoonse,
Kulibaabo balombozya ibulemu kubuleya inga bachilila matende aaangu.
Nkechipona ndakaswaayiigwa abantu bayiinde-indene
Kabayanda kusambalilwa Nyika.
Pele neekalanga ndinywe nobana abazyuukulu amusela uuboola
Cakandiyumina kuti ndisambale.
*Stance 4*
Nyika ni bbefi laiti lyenu auumwi.
Usambala nyika ulasambala buzyalwe bwakwe nkaambo ulabula cilawo.
Aboobo ulabalwa kuti mweenzu muchooko nkaambo wabula cilawao .
Nobanabangu mulizi zyakali kundikkomanisya muciindi kandicipona
Kuti naa ndalijokede kuba uumi. Sena milimo yenu mbomukkala inga yandikkomanisya?
Kamupona akulilingula kuti musela uciboola ukajane cilawo
Mbubwena mbundakamusiila embebo.
Ndagola kamunoolibunga-bunga mukutuyeeya.
Bina Elina ciindi ndacipa kulindwe!
*Stance 5* words for Bina elina
Zinji bazyaamba kale ba Usyi Elina,
Ndipa kulumba nomukowa
Nikwali kujokwa nindajoka nkebona bana bangu,
abazyukulu boose kwa oola lyomwe buyo.
*Stance 6*
Pele ndamulomba kuti muzumanane kuswaangana Antoomwe
Akulitantamuna kumilimo mibi yaatakali kutukkomanisya mumazuba katucili aandinywe
Abaushi Elina ,Mukondwa kasaka.
Kamuyeeyana ciindi coonse ,aaboo babulide mubupenzi bwabo,
Aabo bajisi ababagwasye,
Inzya buchete tabwaabwanwi
Pele kuti mwagwasyanya kulibaabo babulide cilakkomanisya mweenzu mumusinzo wakwe.
*Stance 7*
Milimo yangu ndebina Elina mwakaliizyi
Kuti na yakamuzyalila Michelo mibotu
Amuzumanane kuyiisya lunyungu luyooboola
Mbokuya mazuba.
Biyo ndagola aawa Mukondwa kasaka waita mpongo yakwe
iiya iili atweengo kumeso tiiko.
Ndimugwasye kwiilangaula.
Chiindi ndacipa kubana bangu bakandichilila.
*Stance 8* words for yuli mutinta
Mwapona bana bakwesu, bajwa bangu, abazyuukulu Boonse ndamujuzya.
Twalumba kumulimo ooyu ngomwatuchitila
Mebo ndime Yuli Mutinta na uushi Giila.
Biyo malailile manji Tandijisi
Pele ndilomba kuti kuswaangana kwaambwa kusumanana,
*Stance 9*
Nobanabakwesu nomuchipona Sena bana bangu
Mulabalanganya mbeekasiya, akuboola ookuno kutalibambilwi .
Nikwali kuvwiilanwa nimwandiingula
Pele olo muvwiile tandikoomvwa.
Kuti na bukkale bwabo bana bangu Boonse bulamukkomanisya
Alimwi mulabulombozya kuti balikabotu
Muuya wangu nde Yuli Mutinta Ulazumanana koona muluumuno.ndagola aawa ciindi ndacipa kuli kubeeeba
*Stance 10* words for Oliver Mutinta
mwapona bana bakwesu, bajwa bangu, abazyuukulu Boonse
Twalumba kumulimo ooyu ngomwatuchitila aakubortezya mpotulede.
Mebo ndime Oliver Mutinta na Baushi Cilime.
Zyakwaamba zinji Nsejisi,
Kulomba kwangu nkwakuti mbweena mbweetakayanda bana bangu
Kuti babe basimweenda nzila nkecipona
*Stance 11*
Nomukowa wangu kuno nkotubede takujokwi
Ndalomba aabo bacikonzya kubapa lulayo luyaka abacite oobo.
Milimo yakali kundikkomanisya iizyala Michelo mibotu
Ayii zumanane kubanabangu.
Ndasimpa ciindi ndacipa kuli Bina kayumba.
*Stance 12* words for Bina kayumba
Mwaiisha buyani nomukkowa wangu nzinji zyakananwa kale.
Kuli baambaula kale.
Kamuzumanana kuswaangana.
Bana bangu mutakabi nomubaluba kulikoonse
Nkobalezya maajanza eenu avunguluke kubagwasya
Nkaambo kunyina uumbi mukowa ngobachilangila kunze lyenu
biyo twalumba mukutuyeeya. Bye bye
Words typed are correct in Tonga language of Zambia don't change any word just perfect the song and kindly put different voices according to the names mentioned, words said by William mutinta must be a big voice for an old man, yuli mutinta and Oliver Mutinta must be for a man but different from one another. Bina Elina must be for an old woman and bina kayumba must be for normal woman.kindly don't change anything for the words typed.