Lwiimbo lwabafwu( the song of dead)
Basahima twalumba kumilimo njomwabeleka yoonse yakutubikila ma tombstones naanka mabbwe mpotulede.Leza azumanane kumupa zileleko mumaanda eenu.eeci nchomwacita ababoola munsi lwenu bayakuziba mbotulede alunyungu lwabo ngolwakazila .
Cakusaanguna mbuli mbeekalisilutwe wamunzi ndikanane majwi masyoonto buyo nobatana kanana Bina Elina abana babo mbotulede aamwi.Nobana bangu nomucipona okuno nkutubede takujokwi naanka kukanazyanya andinywe pe, Pele ndamucenjesya kuti malailile ngindakasiya mwaachilile ,buponi bwangu nde Wiliamu Mutinta mwakali buzyi nyoonse , kulibaabo balombozya ibulemu kubuleya inga bachilila matende aaangu mbwitakali kupona .nkechipona ndakaswaayiigwa bantu bayiinde-indene kabayanda kusambalilwa Nyika . Pele neekalanga ndinywe nobana bangu abazyuukulu amusela uciboola cakandiyumina kuti ndisambale nyika takuli kuti ndkalijisi zyoonse Pele mulemu akulanganya cifumo mbaboola ndakalimvwa kutasamba.Nyika is your birth right .usambala nyika wasambala buzyalwe bwakwe nkaambo ulabula cilawo.aboobo ulabalwa kuti ngusimasi na forena .Nobanabangu mulizi zyakali kundikkomanisya muciindi cino kuti naa ndalijokede kubaumi.sena inga ndakomana kumilimo yeenu? Naa maambo ndashoma ndiwe ooceede mupati kubaumi. Amweendelezyanye akubona kuti luumuno lwaba kubuponi bwenu nobana abazyuukulu.Kamupona akulilingula kuti musela uciboola ukajane cilawo mbumwe mbundakamusiila embebo.
Ndagola kamunoolibunga-bunga mukutuyeeya .Bina Elina ciindi ndacipa kulinwe .! Zinji bazyaamba kale ba Wiliamu Mutinta Usyi Elina, ndipa kulumba nomukowa Nikwali kujokwa nindajoka nkebona bana bangu baceende abazyukulu boonse kwa oola lyomwe buyo. Pele damulomba kuti muzumanane kusyangana Antoomwe akulitantamuna kumilimo mibi yatakali kutukkomanisya abaushi Elina Mukondwa kasaka.kamuyeeyana ciindi coonse aboo babulide mubuponi aabo bajisi ababagwasye .inzya buchete tabwaabwanwi Pele kuti mwagwasyanya cilakkomanisya mweenzu mumusinzo wakwe.milimo yangu ndebina Elina mwakaliizyi kuti na yakamuzyalila Michelo mibotu Amuzumanane kuyiisya lunyungu luliko aluboola mbokuya mazuba taamwaluma akundibambila mulozi wangu .biyo ndagola aawa Mukondwa kasaka waita mpongo yakwe ayi iili atweengo kumeso tushiya - shiya tiiko. Ndimugwasye kulangaula .chiindi ndacipa kubana bangu bakandichilila kumoona banji. twalumba!, mwapona bana bakwesu, bajwa bangu, abazyuukulu Boonse twalumba kumulimo ooyu ngomwatuchitila mebo ndime Yuli Mutinta na uushi Giila .biyo malailile manji Tandijisi Pele ndilomba kuti kuswaangana kwaambwa kuzumanane , nobanabakwesu nomuchipona Sena bana bangu mulabalanganya mubuponi bwabo,kuzwa nindakaboolaookuno ookuno kutalibambilwi akuboola kumuya banji. Nikwali kuvwiilanwa nimwandiingula Pele olo muvwiile tandikoonvwa.kuti na bukkale bwabo Boonse bulamukkomanisya alimwi mulilombozezye kuti balikabotu muuya wangu nde Yuli Mutinta Ulazumanana koona muluumuno. Ciindi kuli ba kubeeeba
mwapona bana bakwesu, bajwa bangu, abazyuukulu Boonse twalumba kumulimo ooyu ngomwatuchitila aakubotezya mpotulede .mebo ndime Oliver Mutinta na Baushi Chilime. Zyakwaamba zinji Nsejisi, kulomba kwangu nkwakuti mbweena mbweetakayanda bana bangu kuti babe basimweenda nzila nkecipona Nomukowa kuno nkotubede takujokwi ndalomba aabo bacikonzya kupa lulayo luyaka abacitile oobo. Milimo yakali kundikkomanisya iizyala Michelo mibotu azumanane kubanabangu .. ndasimpa ciindi ndacipa kuli Bina kayumba. Mwaiisha buyani nomukkowa wangu nzingi zyakananwa kale.abaambaula kale .kamuzumanana kuswaangana.bana bangu mutakabi nomubaluba kulikoonse ngobalezya baajanza eenu avunguluke kubagwasya nkaambo kunyina uumbi mukowa ngobachilangila kunze lyenu tomuteelela biyo twalumba mukutuyeeya.