Hoza, Hoza, Nomukowa wabadenda nkomukweta ankomwakakwatwa njeeyi nyimbo yakulipakamanisya mbuli mukowa.
Mu lweendo lwamoyo wakwe aumwi ay!
Basahima twalumba kumilimo njomubeleka kululayo alugwasyanyo
Leza azumanane kumupa zileleko mumaanda eenu
Ooh, Nobaadenda , buumi mutabukkali abbekebeke
Luse lulajazya lupambanya buumi, munyika mapenzi nkwaali Pele mutazumanani kunoobalizyanya mukumanana mapenzi eenu amilimo iibelekwa mumukowa.amulinvwi kusolodela ciindi choonse noti kuba micila lyoonse muyanda kubambilwa abakunze aamukowa.
kubona meso aa nkumba nkuba aacamba naanka kutekkanya, kuti wabinda taakwe nchonga wabona .mulimukowa uubateme kapati , Pele kubatama kweenu kabuba mwabusongo, ampocimugama mulakankama kuyoowa kapati ino bukandu oobu bwazwa kuli nomukowa wangu? . Twaambo tomuvundika muzyamba zyenu tumugwasya nzi? Mwatwaamba olo tamwatwaamba muzuba mulasika bwakufwa antuto .Pele inga cagwasya kukanana mizeezo njomujisi iiyaka mumukowa ndiza muzeezo wenu ulagwasya bamwi. Kwiinda kufwa abusongo bwabula milimo.
Ooh, Nobaadenda , buumi mutabukkali abbekebeke
Luse lulajazya lupambanya buumi, munyika mapenzi nkwaali Pele mutazumanani kunoobalizyanya mukumanana mapenzi eenu amilimo iibelekwa mumukowa.amulinvwe kusolodela ciindi choonse noti kuba micila lyoonse muyanda kubambilwa abakunze aamukowa.
Ciikaala citafumbululwi ncheciyuminina, amulingulane mubupone bwenu ciindi coonse. Milozi minji isowa babwa . Ciindi nomwaiitana akwaabana beezeezo mbuli mukowa amulangisye kuti ino nguni wenu ulizya mulozi walwiito. Mutasangani abayuumpe nkaambo mizeezo yabo tiinoli yakuyaka. iiinkanga itola ulalubila, amubalike kumilimo yoonse ileta lusumpoko mumukwashi.
Ntolentole iitola uulikule.busicamba bwenu butakamulumi munyama.
Ooh, Nobaadenda , buumi mutabukkali abbekebeke
Luse lulajazya lupambanya buumi, munyika mapenzi nkwaali Pele mutazumanani kunoobalizyanya mukumanana mapenzi eenu amilimo iibelekwa mumukowa.amulinvwe kusolodela ciindi choonse noti kuba micila lyoonse muyanda kubambilwa abakunze aamukowa. Mutalubi kuti cikandakanda wakaatola musole kumilimo yoonse imana mapenzi mumukowa wenu
Hoza, Hoza, Nomukowa wabadenda nkomukweta ankomwakakwatwa eeyi yali nyimbo yakulipakamanisya mbuli mukowa wabasintanze .
Mu lweendo lwamiyoyo yenu nyoonse.